Arelas de Aquelar

O Proxecto Ríos posúe de seu unha importante vertente cultural. Para facer fincapé no patrimonio cultural presente nos ríos, o Proxecto Ríos deseñou o Proxecto Ríos de Lingua e Cultura, que pretende fomentar o emprego da lingua galega dende o ecoloxismo e a educación ambiental, mediante a recollida e divulgación de nomes asociados aos cursos fluviais. Queremos achegar á cidadanía a riqueza cultural e lingüística que o noso país agocha e que está a piques de se perder, manténdoa viva. Nesta primeira xeira a temática elixida será a fauna e flora (nomes, usos de plantas, tipos de pesca e/ou cazas de animais, receitas, etc). O programa terá continuidade en anos vindeiros centrándose noutras temáticas asociadas aos ríos, toponimia, cantigas, contos e lendas, etc.

Ríos de lingua e Cultura será un programa participativo no que grupos de persoas (centros de ensino, familias, asociacións culturais, etc) recollerán nomes e aspectos culturais asociados á fauna e flora dos cursos fluviais. O obxectivo é dar a coñecer a riqueza do noso patrimonio inmaterial e que este se manteña no tempo. Para o desenvolvemento do programa o Proxecto Ríos vai editar un manual e unha guía de campo que se enviará a todas as persoas interesadas en participar. Coas achegas dos voluntarios e das voluntarias faremos unha nova guía coa intención de divulgar este patrimonio.

O martes  17 de febreiro, ás 19:30 h na Biblioteca Pública de  Pontevedra,

A Loca-Motora presenta o seu  espectáculo de contos para adultos: «O Garavanzo, o Sapo e o Zapato»  (ou de como atopar a media laranxa)
O espectáculo é un  contacontos que fala do amor, dos encontros e desencontros. A través das dúas  actrices da compañía achégase a este sentimento universal con referencias e  guiños cómicos aos contos clásicos infantís, ao cine, á publicidade, á  tradición, á literatura e poesía, á música.

_{Dende A Loca-Motora quixemos crear un espectáculo de contos sobre O Amor, ese sentimento. Decidimos realizalo para adultos, homes e mulleres que gusten de ler e de escoitar relatos. «O Garavanzo, O Sapo eo Zapato» é un contacontos intimista e literario para adultos, que a través das dúas actrices da compañía, aborda o tema da búsqueda do Amor, os encontros e desencontros de amores. Con referencias e guiños cómicos aos clásicos da literatura infantil, ao cine, á publicidade, á tradición, á música e á literatura. O espectador escoitará fermosos relatos de Angeles Mastretta, Xosé Saramago, Isabel Allende…}
«O Amor, como a Eternidade é unha  ambición, unha fermosa ambición da Humanidade» -Alessandro Baricco,  Novecento-.
www.alocamotora.com
http://www.alocamotora.com/locamotoragaravanzo.html

Quen dende neno ou nena ao carón do lume, dunha noite de treboada, non escoitou historias fantásticas da Santa Compaña?. Ven… aquel, pero quitando o amargado. Quen non has escoitou?. Que sí… que o xordo obviamente tampouco. Pero ídesme deixar contar o choio ou ides estar amolando?… Iso está mellor.

Hai algo nas historias de terror, que fainos sentir asustados/as, coma cando éramos nenos/as, protexidos do mundo pola soa presenza dos nosos dous pais… ou da nosa nai.

Sobre a Santa Compaña teño escoitado falar, con respecto e certo temor, ao farmacéutico que a mirou de lonxe, ao médico e a homes e mulleres de seriedade inmaculada. Aínda que claro, tamén os teño escoitado falar con temor da Garda Civil.
Pero para coñecer a verdade, nada mellor que falar con Chicho ou coa súa muller Minia, eles descubriron que hai cousas mais alá da vida e da morte, cousas que te poden matar… do riso….

21.30 horas

Pazo Emilia Pardo Bazán- SANXENXO

Clasificación: Comedia/ Adultos

Duración: 1hora e 30 minutos

Entrada: 3,50 Euros, á venda unha hora antes do seu inicio

FICHA ARTÍSTICA:

Autor: Jose M. Gómez e Xosé Manoel Conde
Dirección: Xoan Abreu
Escenografía: Xulio Cela
Son: Alberto Sixto
Iluminación: Lambríaca Producións, S.L.
Vestiario: La Canalla

Elenco artístico: FRAN PELETEIRO- HUMY DONADO- XULIO CELA- XOSE MANOEL CONDE