Dende o concello do Grove achegannos dúas actividades culturais moi atractivas:
a) A primeira tratase que oss días 28 e 29 chega a vila unha interesante iniciativa musical organizada por aCentral Folque e Arousavela co Patrocinio da Tenencia da Alcaldía; dúas xornadas de concertos e festa a bordo do pailebote Neves, que será o escenario flotante do reencontro dunha mítica formación do panorama sonoro galego, Os Cempés.
Este proxecto de estudo e promoción da tradición musical galega que se deu en chamar aCentral Folque cumpre dez anos de vida neste 2010, e para celebrar este aniversario está a organizar unha serie de eventos sonoros por toda Galicia, entre eles unha xeira de concertos a bordo do pailebote Neves. Esta embarcación atracará no Grove o vindeiro venres para ofrecer un concerto de reencontro de Os Cempés, que estarán acompañados para a ocasión de diferentes amigos do ramo, como a cantante de Marful, Ugía Pedreira. Na noite dos venres haberá dúas oportunidades para disfrutar desta festa sonoro-marítima, unha ás dez da noite e outra ás doce. A capacidade do barco é de oitenta persoas é as entradas para o concerto custarán seis euros.
Antes de marchar cara un novo destino, o Neves será o escenario doutra nova actuación na mañá do sábado, una “viaxe musical polos mares do mundo”, que estará dirixida aos máis novos e que será de carácter gratuíto, sendo preciso inscribirse previamente no enderezo electrónico info@folque,com, segundo informou a Tenencia de Alcaldía nun comunicado.
b) A segunda é a presentación do libro «As colareiras do Grove» de Patricia Arias e Antón Mascato, editado por Todogrove Edicións.
Participan no acto ademais dos autores: Luís Rei, director da revista Ardentia; Miguel Muñíz, editor, e pechará o acto o alcalde do Grove, José Antonio Cacabelos
Durante o acto farase un pase fotográfico do libro, e ao remate da presentación servirase un aperitivo para os asistentes.
O sabado día 5 de xuño a partir das 20:30 horas, na casa de cultura Manuel Lueiro Rey.
