Arelas de Aquelar

Arelas de Aquelar ven de sumarse ao: Acto cívico e reivindicativo en lembranza do traslado dos restos mortais de Rosalía de Castro e pola reapertura do Panteón de Galegos Ilustres.
A Asociación de Escritores en Lingua Galega (AELG) vai celebrar o vindeiro xoves 15 de xullo, día do 125 aniversario do falecemento de Rosalía, un acto cívico e reivindicativo en lembranza do traslado dos restos mortais de Rosalía de Castro, que tivo lugar o 25 de maio de 1891.
Organizado pola Asociación de Escritores en Lingua Galega (AELG), o cortexo cívico conta co apoio e a colaboración de diversos colectivos populares, como as asociacións culturais O Galo, Medulio, Alexandre Bóveda, Auriense, LugoPatrimonio, Maio Longo, Solfa e Fundacións como Rosalía de Castro, Manuel María e Bautista Álvarez, entre as máis de 150 organizacións culturais, veciñais, xuvenís, etc. que xa se sumaron a esta iniciativa ao longo destas semanas.
O programa (que se actualizará no web: www.aelg.org) desenvolverase do seguinte xeito:
16.45 Concentración na colexiata de Santa María de Iria, cemiterio de Adina (Padrón): Presentación da iniciativa. Lectura dun poema de Rosalía e marcha a pé até a estación da Matanza, ao carón da casa de Rosalía, para tomar o tren deica Compostela.
17.45 Saída do tren, identificado co nome Follas Novas, cara a Santiago.
As persoas que queiran formar parte do cortexo facendo uso do tren, entre Padrón e Compostela, deberán anotarse, antes do vindeiro 8 de xullo no correo electrónico oficina@aelg.org ou no teléfono 981 133 233 (luns a xoves, de 08:00 a 14:30 e de 15:30 a 17:30; venres de 08:00 a 14:00). O prezo será de cinco euros por persoa, que se aboarán durante o traxecto. (A viaxe en tren é só de ida desde Padrón a Compostela).
18.00 Recepción do tren «Follas Novas» na estación de Santiago de Compostela onde estará agardando a comitiva restante que non acudiu ao cemiterio e que se sumará neste momento ao cortexo a pé polas rúas compostelás. Recibimento musical. Saída pola rúa do Hórreo cara a Praza do Toural acompañados en todo momento de música.
18.45 Praza do Toural. Lectura de 3 poemas de Cantares Gallegos. Interpretación da peza “Cantigas e Agarimos” pola Banda Municipal de Música de Santiago de Compostela.
19.15 Praza da Universidade. Audición do PietatSignore, de Stradella; lectura doutros tres poemas de Cantares Gallegos.
19.30 Praza de Cervantes. Escaparates da Libraría Couceiro dedicados ás obras de Rosalía. Lectura doutros tres poemas.
19.45 San Domingos de Bonaval. Audición do Ángelus, de Massenet, lectura de poemas de Follas Novas, intercalando actuacións dos grupos musicais e artistas participantes, lectura do comunicado/manifesto sobre os 125 anos de Rosalía e a reivindicación de apertura ao público do Panteón de Galegos Ilustres. Canto do Himno Galego.

Este domingo, 30 de maio de 2010, terá lugar a cuarta xornada de sendeirismo desta tempada, organizada pola Asociación Cultural e Deportiva Grupo de Amigos de Meaño, que nesta ocasión desenvolverase en Sanxenxo, dende Reis, pasando por Miraflores, A Laxe, Chan de Lores, Recarei, Freixeiro, Outeiro, O Sear, Bordóns e Aldariz, ata chegar de novo a Reis.

Este percorrido caracterízase pola espectacularidade das vistas, na zona do monte, e a tranquilidade da zona dos campos.

A distancia máis longa é duns 14.550 m. e a máis curta de 11.650 m ., que se escollerá e realizará, en función do ritmo do grupo, en dúas horas e media, aproximadamente.

Os puntos de encontro, para as persoas que queiran participar, son a Casa do Concello de Meaño, ás 10 da mañá e diante do Churrasco Luar, en Reis, ás 10.15 horas.

Achegádevos provistos de auga e con roupa e calzado cómodo e axeitado!!

+ INFO:

GRUPO DE AMIGOS DE MEAÑO

Tlf. 654 463 284

gam@asociaciongam.org

www.asociaciongam.org

«A un mes del solsticio de verano,y a un poco mas de una semana para que el sol se ponga en los 289ºque indican el soslticio prehistórico…………..tal vez alguien se anime a subir a As Laxiñas los días indicados y hacer la fotografía sobre el cabo que yo no podré hacer; pues estaré en Lanhelas , en la desembocadura del Miño, comprobando si el sol se pone sobre el Monte Torroso y el Laberinto de Marzán (O Rosal) »

Así  relata a visita a un dos lugares onde se poden ollar petroglifos o creador do blog » El Laberinto atlántico» unha guía imprescindíbel para os amantes destas representacións gráficas grabadas nas rochas polos nosos antepasados.

Neste blog atopanse localizados a maioria destes petroglifos de Galiza por iso os invito a que lle botedes unha ollada tanto si vos gusta visitar eses espazos ou ben si queredes visitalos ou mesmo descubrir un pouquiño máis desta interesante iniciativa.

Aquí vos deixo o enlace: El laberinto Atlántico

Manifestación o día 17 de maio na Alameda de Santiago a partires das 11:30.

Convocada pola plataforma Queremos Galego baixo o lema : O galego o noso existir.

Exercicio sobre a memoria realizado polas alumnas e alumnos do C.E.I.P. de Corvillón (Cambados) no obradoiro de oralidade realizado pola editorial Kalandraka para a campaña PALABRAS NO AR, do programa Bocaberta, da S.X.P.L. da Xunta de Galicia