Arelas de Aquelar

Hoxe no programa Cifras e Letras da TVG Iolanda Castaño saiu coa camiseta de Arelas de Aquelar: Asociate coa lingua.

Un saúdo

O vindeiro venres 7 de agosto, ás 22:30 na praza dos Barcos, Sanxenxo. De balde.                      

A música folk sonará novamente en Sanxenxo, desta volta da man do grupo folk pontevedrés, AVELAÍÑA.

TRADITIUM é o nome que recibe o seu terceiro traballo. O disco está formado por un total de 10 pezas vocais e instrumentais, onde se mixturan melodías de autor con outras tradicionais e onde, máis que nunca, o grupo aúna tradiciòn e modernidade na súa música.

http://www.myspace.com/avelaina

O Proxecto Ríos posúe de seu unha importante vertente cultural. Para facer fincapé no patrimonio cultural presente nos ríos, o Proxecto Ríos deseñou o Proxecto Ríos de Lingua e Cultura, que pretende fomentar o emprego da lingua galega dende o ecoloxismo e a educación ambiental, mediante a recollida e divulgación de nomes asociados aos cursos fluviais. Queremos achegar á cidadanía a riqueza cultural e lingüística que o noso país agocha e que está a piques de se perder, manténdoa viva. Nesta primeira xeira a temática elixida será a fauna e flora (nomes, usos de plantas, tipos de pesca e/ou cazas de animais, receitas, etc). O programa terá continuidade en anos vindeiros centrándose noutras temáticas asociadas aos ríos, toponimia, cantigas, contos e lendas, etc.

Ríos de lingua e Cultura será un programa participativo no que grupos de persoas (centros de ensino, familias, asociacións culturais, etc) recollerán nomes e aspectos culturais asociados á fauna e flora dos cursos fluviais. O obxectivo é dar a coñecer a riqueza do noso patrimonio inmaterial e que este se manteña no tempo. Para o desenvolvemento do programa o Proxecto Ríos vai editar un manual e unha guía de campo que se enviará a todas as persoas interesadas en participar. Coas achegas dos voluntarios e das voluntarias faremos unha nova guía coa intención de divulgar este patrimonio.

O martes  17 de febreiro, ás 19:30 h na Biblioteca Pública de  Pontevedra,

A Loca-Motora presenta o seu  espectáculo de contos para adultos: «O Garavanzo, o Sapo e o Zapato»  (ou de como atopar a media laranxa)
O espectáculo é un  contacontos que fala do amor, dos encontros e desencontros. A través das dúas  actrices da compañía achégase a este sentimento universal con referencias e  guiños cómicos aos contos clásicos infantís, ao cine, á publicidade, á  tradición, á literatura e poesía, á música.

_{Dende A Loca-Motora quixemos crear un espectáculo de contos sobre O Amor, ese sentimento. Decidimos realizalo para adultos, homes e mulleres que gusten de ler e de escoitar relatos. «O Garavanzo, O Sapo eo Zapato» é un contacontos intimista e literario para adultos, que a través das dúas actrices da compañía, aborda o tema da búsqueda do Amor, os encontros e desencontros de amores. Con referencias e guiños cómicos aos clásicos da literatura infantil, ao cine, á publicidade, á tradición, á música e á literatura. O espectador escoitará fermosos relatos de Angeles Mastretta, Xosé Saramago, Isabel Allende…}
«O Amor, como a Eternidade é unha  ambición, unha fermosa ambición da Humanidade» -Alessandro Baricco,  Novecento-.
www.alocamotora.com
http://www.alocamotora.com/locamotoragaravanzo.html

Dende Arelas de Aquelar queremos desexarvos BO NADAL E FELIZ ANINOVO